Дэлхийгээр тархан суугаа Монголчууд бид Талбайн теннис, Сагсан бөмбөг , Волейбол, Хөл бөмбөг , Ширээний теннис,Үндэсний спорт болох шагайн харваа  гэх мэт спортын тодорхой төрөлд  олон хүмүүсийг хамарсан тэмцээн уралдааныг тогтмол зохион байгуулж, амьдран суугаа газар бүрдээ спортын баг хамт олон, клубуудыг байгуулан идэвхитэй хамтран оролцож байдаг билээ.

Талбайн теннисний “US-MONGOLIA” ТЕННИС КЛУБ нь АНУ-дахь Монголчуудын теннисний анхны клуб бөгөөд Теннисний мэргэжлийн дасгалжуулагч С.Ууганбаяр анх 2007 онд байгуулж АНУ-ын Денвэр хотод төвлөрөн теннисний сайхан спортыг олон хүмүүст зааж сургах ажлаа тасралтгүй явуулж байна .Одоогийн байдлаар 60 гаруй хүнд теннисний спортын техник, арга барил, тоглолтын тухай зааж сургасан байна.

Тус клуб өөрийн www.usmongoliatennis.com веб сайтыг 2008 оны 9 сард нээсэн ба майл-ээр дамжуулан теннисний спортыг сонирхон хичээллэж байгаа хүмүүст зөвөлгөө өгч заах аргын  видео бичлэгүүпийг сайт дээрээ байрлуулсан юм.

 “US-MONGOLIA” теннис клуб байгуулагдсан цагаасаа эхлэн Ахмад теннисчдийн аварга шалгаруулах тэмцээн ,АНУ дахь Монголчуудын Аварга шалгаруулах Талбайн теннисний тэмцээнийг зохион байгуулдаг ба тус тэмцээнийг Монголын ТТХолбоог үүсгэн байгуулагч Ж.Батжаргал багшын нэрэмжит болгон “BATJARGAL CUP “нэртэйгээр энэ жил 2009 оны 8 дугаар сарын  29-30-нд 3 дахь тэмцээнээ амжилттай зохион байгуулаад байна . Денвэр хотын тамирчид тэмцээнд голлон тоглосон байна.

2008 онд Арканзас , Сан франциско хотуудаас тамирчид оролцож байсан юм.

 BATJARGAL CUP-2009 тэмцээнд   Залуучууд, Өсвөрийн гэсэн 2 насны ангилалд нийт 16 тамирчин оролцож ганцаарчилсан ба хос төрөлд ур чадвараа сорилоо.

Тэмцээн оролцогчдын тооноос хамааран тоглолтын Гэймийг уртасгаж 3 сет тоглохоор болсон юм. / 1 сет = 6 гейм  тэнцүү/ 15 ,30,40 нэмэлт нэг оноо = 1 гейм тэнцүү/

3 сет тоглох нь тамирчдаас тэсвэр тэвчээр шаардахаас гадна тоглолтыг хянах боломжыг олгож өгдөг юм.

Тэмцээний эрэгтэй ганцаарчилсан төрөлд

       1-р байр     С.Ууганбаяр

       2-р байр     Ц.Батзаяа

       3-р байр     С.Солонго

Эмэгтэйчүүдийн ганцаарчилсан төрөлд

       1-р байр     Ш.Нарантуяа

       2-р байр     Б.Эрдэнэтуул

       3-р байр          Урангоо

Хос төрөлд

       1-р байр     Я.Энхжаргал  Б.Ганбаяр

       2-р байр     С.Солонго     Н. Хүлгэн

       3-р байр       Гантулга   Ш.Нарантуяа

Өсвөрийн насанд

      1-р байр     Х.Цэнгэл

      2-р байр     Г. Өөвөн

нар тус тус байр эзэлж Аваргын Цом Алт , Мөнгө ,Хүрэл медалийн эзэд боллоо.

Тэмцээнд оролцсон нийт тамирчиддаа хамгийн сайн сайхан бүхний хүсэн ерөөе.

Монголын теннисний холбооны шилдэг теннисчин охид хөвгүүд АНУ-ын Лос –Анжелос ,Сан-Франциско ,Сиатле, Вашингтон ДС хотуудад Теннисний чиглэлээр /scholarship/  хөнгөлөлттэй сурах урилга авч амжилттай суралцаж байна.

Эцэг эхчүүд та бүхэн хүүхдээ багаас нь теннисний спортоор идэвхитэй хичээллүүлээрэй.

Өнгөлөг Колорадогоос гараагаа эхэлсэн тус тэмцээнээс

Өнгөн уудам Америк оронд Нэрээ дуурсгасан

Шилдэг тамирчид төрөн гарах болтугай